اخبار مخيم البداوي

مخيم البداوي فلسطين صغيرة .. الشيخ زياد عبد الغني

كان تعريف مخيم البداوي: فلسطين صغيرة فيها شعبي مثل شتلة بنور الشمس ينتظر عودة تحت المطر والحسون يغرد للعرس .. كان الحج حسين لما يصدح بالأذان السوق يخشع، والشيخ ابو موسى الصوت يرفع تراتيل بجامع القدس .

كانت البارودة للرجال زينة وما كانت بإيد النذل تلعب والمعسكر لهلالو واشبالو للشبيبة والنضال بالمحبة ملعب

كان بين المخيمات مضرب مثل هدوء وسكينة محبة وأمل، واليد اللي تعبث تنهان وتندعس .

كانت الأجاويد والكبار بهيبتها موجودة والزعران عالأصابع معدودة. قعدة الشارع كان الها أصول والحيا موصول ممشى ولبس.

كانت الحبة اللي نعرفها تحت اللسان زيت سمك والابرة بس بالعيادة او بالهلال لما بطنك يوجعك. والعيون نشوفها حمرا لمن يسقط شهيد النا عدرب القدس .

كانت زخة الرصاص تعنيلنا عملية وخبر عاجل، ما كنا نركض نسأل مين المقتول ومين القاتل. وكانت اصوات الفتنة بوعينا تنخرس .

لا تقلعوا الشتلة وتطفوا شمس لا تبهدلوا اسم شعبي يا ريت نفهم هالدرس. يحميك ربي يا فلسطين الصغيرة و تفديك منا الروح والنفس.

الأخ حامد درويش ( ابو احمد )


مقالات ذات صلة