اخبار الوطن العربي

هذا ما تسرب منها…. الرئيس عباس للمجلس الثوري متأثراً

الرئيس عباس للمجلس الثوري متأثراً : قد تكون هذه آخر جلسة لي معكم وما فيه حدا منا ضامن عمره .. الرئيس عباس : يعلنوا عن الصفقة وقتما شاءوا وكيفما شاءوا ولكن غير الذي نريده مش رح يصير

 

 الرئيس عباس : قلتها قبل هيك وبعيدها لن أنهي حياتي بخيانة .. الرئيس عباس: ما تركنا عاصمة ولا دولة إلا ورحنا لالها علشان المصالحة ولكن حماس لا زالت تعتقد أن المصالحة مجرد مال وراتب ، أتعبوني وحيروني!!

الرئيس عباس : غير دولة فلسطينية بعاصمتها القدس الشرقية على حدود الرابع من حزيران عام 67 مش رح نقبل وما حدا بموت من الجوع ..

الرئيس عباس : بتابع وبسمع ويشوف : مش نحنا اللي بنحاصر غزة وبنقتل أهلها لكن أنا عاوز دولة ونظام وقانون وحكومة تطبق القانون مش عاوز عصابات وزعرنة وبلطجة وسرقات، وسلاح في ايد كل من هب ودب ، اليوم أنت مبسوط مني وراضي عني بكره بدوس على صوري وبتحرقها بالشوارع وهذا حدث سابقاً وكلكم عارفين وعشتم هالوضع المنيل ..

الرئيس عباس : مش عارفين حماس بدها مصالحة ولا يدها إيران ، بدها تكون جزء من المنظمة ولا يدها رأس المنظمة بدها مصالحة ولا يدها نكون صراف آلي لإلها ،، همنا كبير ورحنا لكل دول العالم علشان غزة تعود لحضن الوطن ومصر تبذل جهداً كبير فلها مني ومنكم كل التحية.

 الرئيس عباس : حماس طلبت من مصر هدنة طويلة في نفس الوقت اللي بقولو فيه بدنا مصالحة، طيب هدنة شو مقابلها ،، 2 مليون موجودين بسجن كبير وهما عايشين حياة الملوك ..

الرئيس عباس :

بنبعت لغزة كل شيء وجماعة هي لله يسرقوه عينك عينك وبطلعك واحد بقولك الرئيس يحاصر غزة ويجوع أبنائها ..

الرئيس عباس : انا قلت لجماعتنا ما تحكوا بموضوع المصالحة يعني ما تصرحوا للإعلام غير الناس اللي مسموح بالتفاوض في هادا الملف وهددت كل من يتطاول لكن البعض بطلعنا يا أخي بس ليحرق دمنا ، مش مجالك يا خي ..

الرئيس عباس : ما حدا بكل هالكون ممكن يفرض علينا شيء نحنا ما بدنا إياه ، يعني يخلو قرونهم لالهم.

الرئيس عباس : مش ابن فتح اللي ممكن يتنازل ويفرط ويبيع والثوابت ثوابت وما فيها لعب

مقالات ذات صلة