أب يوصي ولده
أب يوصي ولده الكسلان قبل
إمتحان أخر السنة
قلوا:
يا إبني امتحاناتك قربت وقدامك
طريقين:
يا بتنجح يا بترسب
إذا نجحت خير وبركة
أما إذا رسبت فقدامك طريقين:
يا بتصيع بالشوارع أو بيشحطوك
عالعسكرية
إذا صعت مو مشكلة
أما إذا شحطوك عالعسكرية فعندك
خيارين:
يا بفرزوك عالدفاع المدني أو
بالصاعقة
إذا فرزوك بالدفاع المدني بيكون
الله يسرلك
أما إذا فرزوك عالصاعقة فقدامك
خيارين:
يا بيحطوك بالقوات الاحتياطية أو
على الجبهة
القوات الإحتياطية ممتازة كتير
أما إذا حطوك على الجبهة فعندك
إحتمالين:
يا بترجع بالسلامة أو بتصيبك شي
قذيفة
إذا رجعت حميد ربك عالسلامة
أما إذا ضربتك قذيفة ففي حالتين:
يا بطييب يا بتموت
وإذا طبت بيكون الله كاتبلك عمر
أما إذا مت فقدامك طريقين:
يابتاكلك الكلاب يا أما بتتعفن
إذا اكلتك الكلاب مو مشكلة
أما إذا عفنت فقدامك طريقين:
يابياكلك الدود يا بتتحول لنفط
اذا أكلك الدود منيح كتير
أما إذا تحولت لنفط فقدامك
طريقين:
يابيصدروك نفط خام أو رح يكرروك
في مصفاية للنفط
إذا صدروك خير وبركة
أما إذا كرروك فقدامك طريقين:
يا بيحولوك لزيوت ثانوية أو لمواد
تنظيف
إذا صرت زيت شي منيح
أما إذا حولوك مواد تنظيف فقدامك
طريقين:
يا بتصير صابون أو بتصير ورق
تواليت
إذا صرت صابون خير وبركة
أما إذا صرت ورق تواليت
فهون رح تكون نهايتك
عالمزبوط!!!