كل عام وانتو بخير يا هل الضفة الغربية ، كل عام وانتو بخير يا غزاوية

بسم الله الرحمن الرحيم

((كل عام وانتو بخير يا هل الضفة الغربية))

(( كل عام وانتو بخير…. يا غزااااااوية ))

بقلم : منذر ارشيد

في بث تجريبي قامت قناة فلسطين والأقصى الفضائيتين بتوحيد البث بمناسبة عيد الأضحى المبارك لعمل بروفة “لعلَ وعسى أن يعود الوئام بين قطري الوطن

وبدأت التهاني والسلامات على نغمات الأغنية التي تبثها الأقصى

وأول متحدث من غزة ( انتبهوا للنغمة)

كل عام ونتو بخير. يا أهل الضَفِة الغَربية .

وكان الرد من الضفة …….

كل عام ونتو بخير يا …غَزْاوِيِهِ.

أنا ابو الصابر من القدس بهدي سلامي لفضائية الأقصى

وبقول لهم …الأقصى هون , بعدها محلها ” وحنا رجالها وبنحميها بأرواحنا …. وبالوحدة الوطنية

أنا ابو إياد من غزة…. بهدي سلامي لفلسطين الفضائية

وبقول لهم… غزة هاشم راح تظل أخت الضفة مهما حصل

والموت..والموت ولا الإنفصالية

أنا ابو القيس من القطاع بهدي سلامي الى ابو العبد من جنين

أنا ابو النجا من القاع..(قصدي القطاع )بهدي سلامي للضفة وماااااا بتفرق”حمساوية أو فتحاوية…. شو هذا..!

والله يهد حيلكم” وعلى ايش متقاتلين.! والناس ميكلة خ…و مستوية

أنا أبو زهري ما بهدي سلامي ولا لأي قرد من قرود الفتحاوية

أنا عزام احمد سلامي للجميع” وإهدا يا مشير, وتحية لهنية

أنا ابو المجد بهدي سلامي لزياد ابن صيدم نمرود الشرقية

أنا عزام أبو الحمام سلامي لسليم عيشان… اللي مرارته مطفية

أنا الدكتور صلاح بهدي سلامي للدكتور معاوية وبقول له

يخففها شوية

أنا اليمامة.. بهدي سلامي لخوي حسان إبن قباطية النشمية

أنا محمود العمور بهدي سلامي لأختي ميسون الصامدة والقوية

أنا منذر بهدي سلامي لأبو محمد مدير دنيا الوطن.. العربية

أنا أبو عبيدة سلامي إلى كل مقاوم.. وغيرهم ما إلُهم ولا تحية

أنا أبو العبد الفلسطيني بهدي سلامي لأبو اياد عبر الأنفاق المخفية.

ويا ريت يكون الوفاق والإتفاق بركي تجوزت غزاوية

أنا ابو فادي…بهدي سلامي لأبو خالد وبشكره على دعموا إلي في المركزية

أنا أبو مازن بهدي سلامي للأسرى وعلى راسهم مروان

وربنا يخرجو بالسلامة.. بسْ على شَرْطْ .. ما يوخِذ… كُرْسيِهِ .

انا أبو الوليد بهدي سلامي للمجاهدين اللي أوقفوا المقاومة العبثية .

أنا المتعوس أبو فانوس بهدي سلامي لعتمة غزة” والكهربه المطفية

ابو العبد الفلسطيني يختمها وبيقول ..

وكل عام ونتو بخير…. بس من وين يجي الخير..!

والقيادة مهترية

بس والله ..ورب الكون…

العيد جاي ….. وحتعود فلسطين

غَصبٍ عن الصهاينة….

كل عااااااام وانتم بخير