رسالة لستي أم عطا عن مجمل القضية..

رسالة لستي أم عطا عن مجمل القضية..

بدّو يسمحلنا شاعرنا الرائع تميم البرغوتي أنو نخالفه بحكاية: طمنوا ستي ام عطا بإنه القضـية من زمان المندوب وهي زي ما هية.

يا سيدي خبِّر ستي أم عطا أنو القضية حصلها تغييرات جوهرية..

خبِّرها أنو:

في فلسطين نجح “العرب” في إستنساخ قيادات فلسطينية بنسخات عربية..

وفي لبنان قلها أنو “توريث الحكم” لا يحتاج فيها لنظام ملكي وتاج وصولجان وطاقية..

وفي سورية خبِّرها أنو “الأشقاء” بدهم إياها عربية وإسلامية لكن بعيون غربية..

وفي مصر خبرها أنو صفة “الزعيم” أصبحت بَلا معنى وبَلا ملامح وبَلا هوية..

وفي العراق قلها صار”الوطن” مثل كعكة الفرح، الكل بدُّو حصته ونصيبه منها مية بالمية..

وفي الخليج العربي قلها أنو ” المال” كان زينتها.. لكنه أصبح شرّْها ونقمتها القوية..

وفي ليبيا خبِّرها أنو “الكل” صار يبكي القذافي واللي بِكابر ببكيه في الخفية..

وفي الجزائر خبِّرها أنو “العروبة” عايشه داخل البيوت الفقير والغنية ولو إنها بِعيدي ومنسية..

وفي المغرب بشِّر ستي ام عطا أنو “السياسة” فيها كالأخطبوط كل الأذرع فيها مفيدة وضرورية..

وخبِّرها كمان أنو هاي “القيادات العربية” شكلهم ناويين مع الأيام يزيدوا علينا من كرمهم شويه..

وفي الختام محبتي لك ولستي ام عطا وللقضية..

أبورياض