منتدى عبد خطار
منتدى عبد خطار

العودة   منتدى عبد خطار > منتدى فلسطين الحبيبة > التراث الفلسطيني


أغنيات للأطفال من التراث الفلسطيني

أغنيات للأطفال من التراث الفلسطيني يا رايح على الشجرة جبلي معاك بقرة حلاّبة العَشَرة تحلب وتسقيني يا ربُ تنجيني انظروا انظروا يا ولادْ ربانا شيخ الشّبابْ اللي عيون سودُ

 
  07-09-2007 10:14   رقم المشاركة : 1
:: عضو ::
وسيم
الصورة الرمزية وسيم

تاريخ التسجيل : 19-07-2007
مكان الإقامة :
عدد المشاركات : 191

وسيم غير متواجد حالياً
افتراضي أغنيات للأطفال من التراث الفلسطيني

أغنيات للأطفال من التراث الفلسطيني

يا رايح على الشجرة
جبلي معاك بقرة
حلاّبة العَشَرة
تحلب وتسقيني
يا ربُ تنجيني
انظروا انظروا يا ولادْ
ربانا شيخ الشّبابْ
اللي عيون سودُ سودْ
مكحلات براس العودْ
----------
حدوثهْ بدوتهْ *** طلع الشيخ ع التوتةْ
والتوتة بدها فاسة *** والفاسه عند الحداد
والحدادْ بده بيضة *** والبيضةْ عند الجاجة
والجاجة بدها علَفِةْ *** والَعلَفِةْ بالطاحونةْ
والطاحونهْ مسكّرةْ *** فيها ميّةْ معكّرة
------------
حطو مقصْ على مقصْ *** سبع عرايسْ تنزفْ
حطوا منخُل على منخلْ *** سَبَعْ عرايس تدخلْ
اشتي وزيدي *** بيتنا حَديدي
عمّنا عبد الله *** رزقنا عَ الله
شمست شميسه *** على قريعة عيشَه
عيشة بالمغارةْ *** جابَتْ قُط وفارةْ
ضربتهْ عَ ثمّه *** راحْ يعيطْ لأُمهْ
فَتَّتْ لُهْ فْطيرةْ *** عَ قدْ الحصيرةْ
--------------
يا فاطمه *** يا عونك
اين الجمل *** بالقنطرة
شو ياكل *** حب الذرة
شو يشربْ *** قطر الندى
هالباب يفتح *** ما يفْتحْ
هالباب يفتحْ *** ما يفتح
هالباب يفتحْ *** يفتح ، يغلقْ
ليلة عُرسكْ *** يا فلان
لا كرشه ولا مصران
---------------
اشتي يا دنيا وزيدي *** بيتنا حديدي
عمنا عبد الله *** رزقنا على الله
شمسي يا اشميسه *** ع عُروق عيشة
عيشة بنت البابا *** بتلعب على الشِّبابه
يا قمرنا يا جدع *** يا اللي مشنشل بالودع
بناتك ستة سبعة *** بلعبن على القبعة
------------
تهليلة الطفل
نيمتك في العلية *** خوفي عليك من الحية
تعاليله يا بدرية *** بركن على صوتك ينام
نيمتك في المرجوحة *** خوفي عليك من الشوحة
تعاليله يا عندوره *** بركن على صوتك ينام
أو نني نني


هذه الاصطلاح "أونني" يستعمل كثيرا عند تنويم الطفل،
وكلمة "نن"ى ليست عربية بل إيطالية ورومانية
لها نفس المدلول الذي نستعمله في أثناء تنويم الطفل.

حديرجه بديرجه *** من خيها لبيها
قالت لي معلمتي *** جيبي زيت وبصل
وقع الكوز وانكسر *** حلفت معلمتي
لتعلقني بالشجر *** والشجر مليان عروق
خبي إجرك يا *** منيحه يا عروس
يا أم الحلق *** والدبوس
--------------
يا مفطر بعد العيد *** حني اسعد وسعيد
حني عليه الألماني *** خلي اسنانه قدامي
بكرة العيد وبنعيد *** بنذبح بقرة السيد
والسيد ماله بقرة *** بنذبح بنته هالشقرة
والشقرا ما فيها دم *** غير نذبح بنت العم
بكره العيد يا مسعود *** دارت الميه في العود
يا سعيد ويا سعيد *** اليوم الوقفة وبكره العيد
بكره العيد من حقه *** بنقطع راسك يا سقا
بكره العيد والثاني *** بنقطع راس أبو هاني
بكره العيد والثالث *** بنقطع راس أبو عايد
----------------
يا ربي تشتي *** وأروح عند ستّي
تعمل لي فطيرة *** قد الحصيرة
آكلها وأنام *** واصبح جيعان
اشتي وزيدي *** بيتنا حديدي
عمنا عبد الله *** رزقنا ع الله
يا رب تشتي لنا *** ونغسل غسلينا
غسيلنا بالطابية *** لنعمل زلابية
كل واحد قرص، قرص *** والباقي لام العروس
يا الله الغيث يا ربي *** خبزي قرقد في عبي
(قرقد: أي تيبس)


التوقيع : وسيم
ما الحياة إلا كأس الوان لكل انسان فيها لون وعنوان

 
  07-09-2007 19:01   رقم المشاركة : 2
الإدارة
ابو امين
الصورة الرمزية ابو امين

تاريخ التسجيل : 02-01-2007
مكان الإقامة : Berlin
عدد المشاركات : 1,624

ابو امين غير متواجد حالياً
افتراضي




التوقيع : ابو امين

 
  12-10-2008 08:10   رقم المشاركة : 3
:: عضو ::
نهر البارد
الصورة الرمزية نهر البارد

تاريخ التسجيل : 07-03-2007
مكان الإقامة : nahralbared
عدد المشاركات : 223

نهر البارد غير متواجد حالياً
افتراضي رد: أغنيات للأطفال من التراث الفلسطيني

اشكرك اخ وسيم........
تحياتي


التوقيع : نهر البارد

 
  12-10-2008 08:20   رقم المشاركة : 4
:: عضو ::
ابن فلسطين
الصورة الرمزية ابن فلسطين

تاريخ التسجيل : 20-05-2007
مكان الإقامة : مخيم البداوي
عدد المشاركات : 463

ابن فلسطين غير متواجد حالياً
افتراضي رد: أغنيات للأطفال من التراث الفلسطيني

مشكور اخ وسيم ودايما فرحنا بطلتك الحلوة

تحياتي


التوقيع : ابن فلسطين

 

أدوات الموضوع


المواضيع المتشابهه
الموضوع كاتب الموضوع المنتدى آخر مشاركة
من التراث اليومي الفلسطيني مخيم البداوي التراث الفلسطيني 03-01-2016 03:33
معرض التراث الفلسطيني ......... إبداع رغم الحصار صبرى حماد التراث الفلسطيني 22-03-2010 23:05
أعمال عبدالحي مسلم .. مرايا فطرية تعكس التراث الفلسطيني the boss التراث الفلسطيني 25-11-2008 18:08
ملف التراث الفلسطيني the boss التراث الفلسطيني 21-10-2008 11:00
انواع التراث الفلسطيني بالصور فلسطين عربيه التراث الفلسطيني 18-06-2008 23:38


الساعة الآن 10:47



Powered by vBulletin® Version 3.8.8
Copyright ©2000 - 2017, vBulletin Solutions, Inc.
جميع الحقوق محفوظة لمنتدى عبد خطار
Style & Design By : Baddawi.Com